थे ही म्हारे मायर रामा, थे ही म्हारा बाप।
आप रे रिससायाँ म्हारे, काँई होला हाल॥
कलश माँहि कला, नेजा रे माहिनूर।
देवरा में उबो बाबो, हाजरे हुजूर॥
वारी वारी ओ पीरजी, म्हारा रामा पीरजी, म्हारा साँचा देवजी॥
मेले मसुरियो, बाली नाथ रो थान।
जातरु आवे बाबा रे, खाविन्दा अन्त ना पार॥ 1 ॥
राम सरोवरा री, ऊँची निची पाल।
पीरजी नांदेरे घोडा रे, घूगर माल.. 2 ॥
झाडी झाडी झंगी रामा, बाजे जंगी ढोल।
लीला ने सिन्गारो धणी, हुवो असवार॥ 3 ॥
बिरम भाखडा में, बाजे जंगी ढोल।
पिंड़ता तो पकड़ी थारा, नेजा वाली डोर॥ 4 ॥
हरजी तो बहे धणी, भजन वाला कोट।
बाना तनी खाविन्दा, लिनी थारी ओट॥ 5 ॥